Kryetari i LSDM-së, Dimitar Kovaçevski është shprehur se në takimin e fundit me kryetarin e Aleancës për Shqiptarët, Arben Taravari, është biseduar për marrëdhëniet në koalicion dhe për punën e qeverisë teknike, por nuk ka treguar nëse Taravari më pas ka njoftuar se do t’i bashkohet frontit opozitar. I pyetur për daljen e mundshme nga koalicioni qeveritar me Aleancën, Kovaçevski u përgjigj se vendi ka ndërtuar shoqëri demokratike në të cilën çdo parti politike dhe individ mund të marrë lirisht vendimet e veta. Ai përsëriti se oferta për t’iu bashkuar të ashtuquajturit “front evropian” i udhëhequr nga LSDM vlen ende.
“Sa i përket dinamikës së marrëdhënieve në Aleancën për Shqiptarët, në parti, nuk do të komentoja. Por, bëhet fjalë për subjekt politik dhe organet e tyre, funksionimin e tyre, janë ata që duhet të japin përgjigjet. Vendi i partive politike është në koalicione me të cilat ndajnë të njëjtat vlera, pa hyrë në atë kush në cilin është koalicion si subjekt politik kurse oferta e LSDM-së është ende e vlefshme për të gjitha partitë, organizatat dhe individët që ndajnë vizionin e një Maqedonie evropiane, të na bashkëngjiten në zgjedhjet e 24 prillit”, tha Dimitar Kovachevski – kryetar i LSDM-së.