Në një deklaratë publike para zgjedhjeve parlamentare, Krenar Lloga ka dhënë një mesazh të qartë dhe të prerë për situatën politike aktuale, duke kritikuar qeverinë dhe duke u bërë thirrje forcave politike shqiptare për unitet.
“Nëse dikush nga njëra palë, ose tjetra, ka parë ëndrrën e gomarit (me ujkun) se do të na ftojë për të na bërë si vetja dhe për të marrë nga kombëtarizmi dhe morali i fituesit të zgjedhjeve — është mendjelehtë, thënë më butë. Ose nëse dikush del për të bërë një ‘dush patrioti’ dhe shfajësimi, dhe në të njëjtën kohë të na parashkruajë me Mickon rrugën tonë — thjesht nuk na ka njohur ose na ka ngatërruar me veten,” deklaroi Lloga.
Ai theksoi se kjo qeveri është “antishqiptare”, duke shtuar se ka ardhur koha për bashkim dhe veprim të përbashkët politik: “Ajdeni në një front të përbashkët shqiptarësh.”
Deklarata vjen në një kohë kur dinamika politike në vend është intensifikuar dhe pozicionimi i partive shqiptare pritet të ketë ndikim vendimtar në përbërjen e ardhshme parlamentare.
