Pas festës dhe surprizës së madhe që mori nga familja dhe miqtë, Laerti u befasua edhe nga një i ftuar tjetër në natën finale të Big Brother VIP Albania.
Kryetari i Bashkisë së Kolonjës, Erion Isai, erdhi për ta nderuar dhe shpallur Laertin si qytetar nderi i Kolonjës, një titull që i jepet për kontributin e tij të jashtëzakonshëm në art dhe kulturë.
Erioni lexoi: “Me motivacionin për meritat e larta artistike në teatër, film dhe në jetën artistike të vendit, për përçimin e identitetit të vendit dhe origjinën në skena ndërkombëtare, si artist dhe personalitet i zëshëm, për promovimin e krahinës së Leskovikut, shpallet zotin Laert Vasilin qytetar nderi”.
Ky moment ishte një tjetër befasi e bukur për Laertin, që e ka ndihmuar gjithmonë për të ruajtur lidhjen me origjinën e tij dhe ka promovuar kulturën shqiptare në botë.
Ky titull erdhi si një vlerësim për gjithë punën dhe pasionin që Laerti ka investuar gjatë viteve, duke u bërë një figurë e njohur dhe e dashur për publikun.
Shpallja e tij si qytetar nderi është një nder i madh, që i jepet për arritjet e tij artistike dhe për ndikimin që ka pasur në shoqërinë shqiptare. /Telegrafi/