Anëtarësimi i Shqipërisë në BE është një ndër pikat kryesore të programit premtues të PS
Partia Socialiste hapi sot fushatën elektorale, duke përdorur disa simbolika të veçanta.
Fillimisht, Rama ishte shprehur më herët se zgjodhi datën 12 prill, një ditë pas nisjes zyrtare të fushatës, për të bërë çeljen duke simbolizuar 12 yjet që ndodhen në flamurin e Bashkimit Europian. Pikërisht anëtarësimi i Shqipërisë në BE është një ndër pikat kryesore të programit premtues të PS.
Por jo vetëm kaq, pasi Rama zgjodhi që skenografia të kishte në përbërje 12 yje, si për yjet e BE-së, por edhe për të përfaqësuar 12 qarqet e vendit.