Kasami: Me të drejtë Taravari nuk ka kërkuar përqindje të listave
Kreu i Lëvizjes BESA, Bilall Kasami, ka sqaruar se Arben Taravari nuk ka kërkuar ndarje përqindjesh në listat zgjedhore. Sipas Kasamit, fillimisht kishte një propozim që në listat për këshilltarë komunal të garohet veçmas, por më pas, pasi shumica e partive u dakordësuan që të shkohet me një listë të përbashkët, si për kryetarë komunash ashtu edhe për këshilltarë, u vendos që të vazhdohet në këtë mënyrë — ashtu siç kishin vepruar edhe në zgjedhjet parlamentare.
“Tashmë bisedimet kanë kaluar në fazën ku Aleanca për Shqiptarët, e udhëhequr nga Taravari, duhet të vendosë nëse do të garojë në një listë të përbashkët me koalicionin VLEN ose do të dalë e vetme në zgjedhje,” u shpreh Kasami. Sipas tij, pjesa tjetër e koalicionit tashmë ka vendosur të vazhdojë së bashku.