Sekretari i Përgjithshëm i NATO-s, Mark Rutte, ka folur pas një takimi me presidentin e Sllovakisë, Peter Pellegrini, të enjten duke ripërsëritur thirrjet për vendet anëtare të aleancës veriatlantike që të rrisin shpenzimet për mbrojtje, shkruan The Guardian.
“Te gjithë duhet ta bëjnë këtë deri verën e ardhshme. U them atyre: nëse nuk reagoni ndaj thirrjeve të mia telefonike, mund të merrni thirrje nga një njeri shumë i këndshëm në Washington që mund të jetë më pak… le të themi… ka një kufi kohor më të shkurtër për atë që dëshiron të arrijë”, ka thënë Rutte.
Qëllimi afatshkurtër i aleancës është që të shtyjë secilin vend anëtar t’i rrisë shpenzimet e mbrojtjes në 2% të Bruto Produktit Vendor, ndërkaq qëllimi afatgjatë është ngritja e shpenzimeve në 5% të Bruto Produktit Vendor.