Nga Dogana e Maqedonisë së Veriut njoftojnë se në tre raste, është parandaluar kontrabandimi dhe shmangia e tatimit të mallrave. Nga Doganat thonë se malli është konfiskuar, ndërsa ndaj të personave është ngritur kallëzim për kundërvajtje.
“Në rastin e parë, një importues ka dashur t’i shmanget detyrimeve doganore për produkte në vlerë prej 273 mijë denarëve, të cilat ka tentuar t’i kontrabandojë me mallin që ka deklaruar për doganë importuese. Qëllimi është penguar nga një ekip mobil i Departamentit për kontroll dhe hetime, i cili gjatë kontrollit të një automjeti mallrash në njësinë doganore Kumanovë, ka konstatuar mall të tepërt, 500 metra katrorë laminat dhe 43 copë të orendive. Në rastin e dytë, në vendkalimin kufitar Qafë Thanë është parandaluar tentim për eksportim të paligjshëm të një numri të madh të pjesëve të veturave në vlerë prej rreth 200 mijë denarëve, gjatë kontrollit të një automjeti mallrash, drejtuesi i të cilit ka deklaruar se mjeti është bosh dhe se nuk ka asgjë. Në kabinën e automjetit, në hapësirën ndërmjet sediljeve, nën sediljet e shoferit dhe të pasagjerit, në ndarjet në kabinë dhe ndarjet e dyerve ishin fshehur 241 copë autopjesë të ndryshme për të cilat drejtuesi ka deklaruar se nuk ka asnjë dokument. Në të njëjtën kohë, doganierët e në Qafë Thanë parandaluan kontrabandën e 100 shisheve me kolagjen që një shtetas shqiptar donte t’i sillte në vend pa i deklaruar. Ato u zbuluan në tre çanta të zeza që pasagjeri i kishte fshehur në çantën e shpinës”, thuhet mes tjerash në njoftimin e Doganave.