Shkup – Një vendim i fundit në Ministrinë e Arsimit ka ngritur shqetësime të mëdha në opinion, pasi nga mbi 40 nëpunës administrativë me mbi pesë vite përvojë pune, vetëm tetë maqedonasve u janë vazhduar kontratat e punës, ndërsa asnjë shqiptar nuk ka marrë vazhdimin e kontratës.
Ky rast ka ngritur pikëpyetje mbi barazinë dhe përfaqësimin e shqiptarëve në institucionet shtetërore. Shumë qytetarë dhe aktivistë kanë reaguar ashpër ndaj kësaj padrejtësie, duke kërkuar shpjegim nga autoritetet kompetente.
Në një postim publik, Halit Ferati ka ngritur zërin ndaj këtij vendimi, duke pyetur se kush në të vërtetë përfaqëson shqiptarët dhe si mund të flitet për ndryshim, kur vendime të tilla diskriminuese vazhdojnë të ndodhin.
Pritet një reagim nga institucionet për të sqaruar arsyet pas këtij vendimi dhe për të siguruar që të drejtat e të gjithë punonjësve të respektohen në mënyrë të barabartë.
REAGIMI I PLOTË I HALIT FERATIT