Qeveria ‘ka humbur topin’: Në vend që të bëjë zgjidhje, përkrah qytetarët për bojkotin e marketeve

Në vend që të ofrojnë zgjidhje për rritjen e çmimeve të produkteve ushqimore, Kryeministri Mickoski dhe liderët e partive të VLEN-it, të cilët janë pjesë e qeverisë, po bëjnë thirrje për bojkot të marketeve. Kjo qasje tregon një mungesë të angazhimit dhe veprimit konkret për të ndihmuar qytetarët dhe për të zgjidhur krizën e çmimeve. Pavarësisht shqetësimeve të qytetarëve për shtrenjtimin e produkteve të domosdoshme, qeveria dhe partitë e VLEN-it po i japin përparësi thirrjeve populiste, në vend që të angazhohen në gjetjen e zgjidhjeve afatgjata që do të stabilizonin tregun dhe do të mbështetnin qytetarët në këtë periudhë të vështirë ekonomike.