Presidenti i ri i SHBA-së, Donald Trump, ka nënshkruar një numër rekord dekretesh dhe urdhërash ekzekutivë, duke arritur rreth 80 akte që në ditën e parë të administratës së tij. Disa nga këto masa mund të kenë ndikim edhe për shqiptarët që jetojnë në SHBA.
Ndër vendimet e tij më të rëndësishme është kufizimi i marrjes automatike të shtetësisë amerikane për fëmijët e lindur në SHBA, si dhe nënshkrimi i dekreteve për daljen nga Marrëveshja e Parisit për Ruajtjen e Klimës dhe Organizata Botërore e Shëndetësisë. Po ashtu, Trump ka amnistuar rreth 1500 sulmues të Kapitolit të vitit 2021 dhe ka kërkuar përfundimin e shumë programeve për promovimin e diversitetit, duke shpallur se do të njihen vetëm dy gjini, mashkull dhe femër.
Gjithashtu, nga 1 shkurti mund të implementohen tarifa doganore për mallrat nga Kanadaja dhe Panamaja. Trump bëri betimin më 20 janar dhe do të qëndrojë në pushtet për katër vitet e ardhshme.