Pas 471 ditësh banorët e Gazës zgjohen pa bombardime

Pas marrëveshjes së armëpushimit dhe shkëmbimit të të burgosurve midis Tel Avivit dhe Hamasit, banorët e Gazës kaluan një natë pa ndonjë sulm nga ushtria izraelite dhe u zgjuan pa zhurmën e bombardimeve për herë të parë që nga 7 tetori 2023.

Marrëveshja e armëpushimit dhe shkëmbimit të të burgosurve midis Izraelit dhe Hamasit hyri në fuqi dje në orën 11:15 të mëngjesit me orën lokale.

Me hyrjen në fuqi të armëpushimit, në Rripin e Gazës ndaluan sulmet që ushtria izraelite i ka vazhduar prej 471 ditësh. Për herë të parë në më shumë se 15 muaj, banorët e Gazës mundën të kalonin një natë pa zhurmën e bombardimeve dhe shpërthimeve.

Palestinezët në Gaza të cilët kanë luftuar për të mbijetuar nën zhurmën e sulmeve dhe bombardimeve për 471 ditë, u zgjuan mëngjesin e sotëm pa dëgjuar asnjë shpërthim.

– “Fëmijët e Gazës fjetën pa frikë dhe bombardime”

Palestinezët që jetojnë në Gaza kanë bërë postime në llogaritë tyre të medias sociale lidhur me natën e tyre të parë pa sulme izraelite.

Yusuf Hamada, qytetari nga Gaza në llogarinë tij në median sociale është shprehur se “Nata e parë që fëmijët e Gazës fjetën pa frikë apo bombardime. Falënderimet i takojnë Zotit”.

– Përfundoi pritja e dhimbshme para morgjeve

Për shkak të sulmeve të Izraelit, në Gaza kanë humbur jetën 46.913 palestinezë duke përfshirë rreth 17.841 fëmijë dhe 12.298 gra.

Palestinezët që humbën jetën në këto sulme silleshin në spitalet lokale nga të afërmit e tyre ose ekipet e mbrojtjes civile edhe për t’u regjistruar edhe për t‘u varrosur.

Palestinezët që humbën jetën mbaheshin në morgjet e spitaleve përpara varrimit. Mijëra njerëz në Gaza vajtuan të dashurit e tyre përpara këtyre morgjeve që nga fillimi i sulmeve të Izraelit më 7 tetor.

Me ndërprerjen e sulmeve izraelite, për herë të parë që nga 7 tetori palestinezët nuk humbën njerëzit e tyre të dashur dhe nuk u desh të prisnin në morgjet e spitaleve.

Gazetari Abu Bakr Abid në llogarinë e tij në rrjetet sociale ndau pamjet që regjistroi përpara morgut të spitalit Aksa në qendër të Gazës.

REKLAMË

REKLAMË

lajmet e fundit

Sot bëhen 30 vjet nga gjenocidi serb në Srebrenicë – shtatë viktima të tjera do të varrosen në Potoçari

Në Qendrën Përkujtimore Srebrenicë – Potoçari, sot do të prehen edhe shtatë viktima të tjera të gjenocidit të kryer në korrik të vitit 1995. Tridhjetë...

Danella Arsovska dhe ekipi i saj sulmohen fizikisht në Çair, përfundojnë në spitalin “8 Shtatori”

Kryetarja e Shkupit sulmohet fizikisht në Çair gjatë inspektimit të një ndërtese pa leje Pasditen e sotme, kryetarja e Qytetit të Shkupit, Danella Arsovska, së...

Eurodeputetja greke shpërthen me deklarata provokuese: “Jam maqedonase e vërtetë, jo si banorët e Shkupit”

Eurodeputetja greke Afroditi Latinopuli, ka shkaktuar revoltë në Maqedoninë e Veriut, pasi deklaroi se ajo është një “maqedonase e vërtetë krenare”, dhe jo “e...

Bombardimet e impianteve bërthamore/ Zyrtari izraelit: Irani mund ta rikuperojë uraniumin e pasuruar

Izraeli beson se Irani mund të rikthejë uraniumin e pasuruar të “groposur” në njërin prej objekteve të goditura nga forcat amerikane në qershor. Shqetësimi...

Erdogan: Turqia hedh poshtë vërejtjet që mohojnë gjenocidin e Srebrenicës në kundërshtim me vendimet e gjykatës ndërkombëtare

Turqia hedh poshtë të gjitha deklaratat dhe vërejtjet që synojnë të mohojnë gjenocidin e Srebrenicës ose "të lartësojnë kriminelët e luftës" në kundërshtim me...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu