Ministri i Bujqësisë, Faton Peci e ka ofenduar rëndë ish-kryeministrin dhe ish-kryetarin e Lidhjes Demokratike të Kosovës, Isa Mustafën, në një kundërpërgjigje ndaj deklarimeve të Mustafës për bashkë-kryetaren e partisë Guxo, Donika Gërvalla.
Për t’i dal në mbrojtje Donika Gërvallës, partneres së tij politike, ministri Faton Peci është përfshirë në replikat e bashkë-kryetares së partisë Guxo me Isa Mustafën.
Pasi të premten Mustafa e quajti Gërvallën “marionetë” të Lëvizjes Vetëvendosje dhe kryetarit të saj Albin Kurti, Peci reagoi me shprehje mllefi të shtunën.
Në një shkrim të publikuar në rrjetet sociale, ministri i Bujqësisë tha se Mustafa ka përfunduar në shtratin e Hashim Thaçit, ish-presidentit të Kosovës.
“Dikur ishte streha e mashtrimit dhe manipulimit duke i shpallë luftë të pakompromisë oponentëve e duke përfunduar në shtratin e Hashimit, i lagur e marruar që përfundoj karrieren politike si struciii i friksuar”, tha Peci.
midle
Peci tha se Mustafa është shkatërrues i “çdo vlere njerëzore e morale” në politikë.
“Isa Mustafa e paska quajtur Donika Gërvallen fallxhore dhe marionetë të Vetëvendosjes.
Isa ky marionetë e PDK-së dhe Hashimit, ky faqezi po thotë lereni të qetë Rugoven, të cilin nuk e la të qetë ai për së gjalli, duke i ndalur financat e duke tentuar t’i vendosë lakun, kundër njeriut që i doli përballë Serbisë”, shkroi Peci.
“Ky që shkatërroi çdo vlerë njerzore e morale në politikë, moralizon duke e sulmuar çdo përsonalitet me dinjitet e duke mos e kursyer e lënë të qetë Donikën me datën 17 janar. Por, çfarë din Isa për datat dhe figurat kombëtare, kur ai në kalendarin e datave të rëndësishme ka datat e lindjes së Titos dhe Rrahmon Morinës”.
Ministrja e Jashtme, dikur oponentja e Mustafës brenda LDK-së, Donika Gërvalla, tha të enjten në një tubim elektoral në Istog se “Isa Mustafa e kishte luftuar Ibrahim Rugovën”.
Kjo deklaratë ngjalli reagimin e ish-kryeministrit Mustafa, i cili në një deklarim për Express të premten, e quajti Gërvallën një politikane “të pavlerë, e pa parime”.
Për Mustafën, Gërvalla tashmë është vetëm “marionetë” e një partie të majtë ekstreme.