Është shumë e rëndë që Izet Mexhiti, i cili ka qenë pjesë e BDI-së për dy dekada dhe ka mbajtur pozita të larta, tani e akuzon atë për korrupsion dhe vjedhje.
Postimi i plot i Bujar Bajramit
Të jesh Izet Mexhit, nuk është kollaj, madje shumë e zametshme, gjë që s’mund ta bëjë secili, posaçërisht nëse nuk ka kaluar (me dashje) nëpër ‘peripecitë’ e pisllëqeve që vetëm pushteti i mundëson.
Deri diku e kuptoj Izetin, për qasjen dhe diskurin që mundohet ta krijojë, sepse nuk ka zgjidhje tjetër, është e vetmja rrugë ku ai mund të ecë për të mbijetuar në politikë. Pra, të shajë e të kritikoj sa më shumë ish partinë e tij (BDI-në) për korrupcion, për kriminalitet, për antishqiptarizëm, për mos funksionim të mbrendshëm etj. Në rrugën ku ai mëton, nuk është i vetëm, ka edhe ‘konkurent’ të tjerë me të cilët po bashkë koalicionon. Secili prej tyre, fatin e ekzistencës në politikë e kanë lidhur kryesisht me retorikën anti BDI. Pra, kush do shajë më shumë BDI-në, ai do përfitojë më shumë në elektorat, mendojnë ata.
Nuk është situatë e lehtë, janë në gjendje të rëndë, sepse secili prej tyre, në njërën apo tjetrën formë, është i lidhur me BDI-në. Janë produkt i saj, si Bilalli, njëjtë edhe Afrimi, sidomos Izeti. Të jesh 20 vite pjesë e hierarkisë së BDI-së, i veshur me pushtet jo të vogël dhe të dalësh sot e të kritikosh partinë në emrin e të cilës ke bërë çdo gjë të keqe, është absurd në vete, madje një risi në politikë që nuk ka ndodhur deri më sot. Pra kur Izeti i thotë partisë së tij se ka vjedhur, se i ka vrarë shqiptarët, se ka qenë e zeza e ktij populli, i referohet edhe vetvetes sepse nuk mund të distancohet nga faji (bashkëfajësia) e politikës së mbrapshtë (sipas tij) 22 vjeçare e BDI-së. Me fjalë të tjera Izeti mundohet të na thotë: kam parë se si ka vjedhur BDI-ja, kam vjedhur bashkë me ta, si nënkryetar i saj, kam mbrojtur vjedhjen dhe vjedhësit, por ama sot unë jam ndryshimi, unë jam i miri dhe ata janë të këqinjtë. Unë jam i ndershmi, ata janë hajdutët.
A ka dikush që beson në farsën e Izet Mexhitit? Askush, ose vetëm ata që nga halli i njëjtë si i Izet Mexhitit, detyrohen të flasin e të pajtohen me të.
Izet Mexhiti e ka të pamundur që të shkëputet nga hija e BDI-së që rëndon mbi të. Ai është produkt i saj, i formësuar e i rritur politikisht nga ajo parti, me pushtetin e së cilës ka abuzuar sa ka dashur dhe ku ka dashur. Prandaj Izeti nuk mund të reflektojë në politikë, as nuk mund të shtrijë ndikimin e partisë së tij jashtë ‘aurës’ së lagjes ku është rritur dhe nga ku mer mbështetje edhe për arsye tjera që nuk lidhen fare me politikën. Çdo kritikë e tij drejtuar BDI-së, nuk e ngrit atë, përkundrazi, e ngrit BDI-në, aq më tepër kur kjo e fundit betejën e vetë e ka orientuar drejtë VMRO-së dhe jo drejtë Izetit e VLEN-it. Kur Izeti shan BDI-në, e BDI-ja shan VMRO-në, e VMRO-ja shan BDI-në, i vetmi që nuk përfiton politikisht është Izeti, e ajo që përfiton më së shumti është VMRO-ja pikërisht falë Izetit që ja mundëson (legjitimon) të çojë përpara agjendën e vetë e cila nuk është fare në interesin e qytetarëve shqiptar.
Pyetja që lind është: çka i shërben kjo qasje Izetit kur ai nuk arrinë të ndërtojë politika që do të reflektonin ndryshimin?
I shërben vetëm për të forcuar pozicionin mbrenda koalicionit VLEN. Kjo vërehet si në ndarjen e pushtetit, me çka partia e Izetit i menaxhon dikasteret më të rëndësishme shtetërore, njëjtë edhe në retorikën politike në funksion të karizmit individual. Të gjithë nga VLEN-i flasin, por kur flet Izeti, mbështetja nga antarët e VLEN-it është më e madhe, më e ndryshme duke e nxjerrë Izetin si ai ‘DON-i’ që kontrollon dhe kordinon çdo gjë mbrenda ‘familjes’. Liderët tjerë të partive mbrenda VLEN-it, kanë rënë (pa vetëdije ose nga mungesa e karizmit politik) nën hijen e Izet Mexhitit.
Ajo që ngjallë dilemë është se: kujt i shërben një koalicion, sot në qeveri e nesër në opozitë, i kontrolluar nga Izet Mexhiti? Kjo ngelet për tu parë.
Por deri atëherë, BDI-ja, ASH-ja dhe tërë Fronti Europian, duhet të gjejnë mekanizma, nëse jo për të parandaluar tërësisht, të paktën për të minimizuar sa më shumë dëmin që ju bëhet shqiptarëve nga VMRO-ja dhe nga përpjekja për të mbijetuar politikisht (duke ja bërë yzmetin VMRO-së) e Izetit, Taravarit, Bilallit e Afrimit.