Skandal në Kërçovë: Drejtori Genc Selmani largon nga puna specialistin e vetëm shqiptar
Një vendim i paprecedent ka ndodhur në Shtëpinë e Shëndetit në Kërçovë, ku drejtori Genc Selmani ka larguar nga puna specialistin e vetëm shqiptar, Dr. Shukri Sejdini. Vendimi është justifikuar me arsyetimin absurd se “shtëpia e shëndetit nuk ka nevojë për specialistë.”
Ky veprim ka shkaktuar indinjatë të madhe në komunitetin shqiptar, duke ngritur shqetësime për diskriminimin dhe përjashtimin e kuadrove profesioniste. Dr. Sejdini, i njohur për përkushtimin dhe profesionalizmin e tij, ishte një nga specialistët kryesorë në këtë institucion dhe një zë i rëndësishëm për shëndetin publik në rajon.
Shqiptarët në Kërçovë dhe më gjerë kanë shprehur pakënaqësinë e tyre, duke e cilësuar këtë vendim si një akt të qëllimshëm për të margjinalizuar profesionistët shqiptarë në institucionet publike. Ndërkohë, kërkesat për një sqarim dhe rishikim të këtij vendimi janë shtuar.