Deri në 40 persona raportohet se mund të kenë humbur jetën, nga rënia tragjike e aeroplanit Azerbaijan Airlines, gjatë fluturimit.
Ai u pa të binte pranë aeroportit të Aktau-t në Kazakistan, afër Detit Kaspik, të mërkurën në mëngjes, transmeton klankosova.tv.
Sipas abcnews, avioni po fluturonte nga Baku në Azerbajxhan drejt Groznit në Rusi, por u devijua për shkak të mjegullës së dendur në Grozni, raportuan agjencitë ruse të lajmeve.
Ministria e Situatave Emergjente e Kazakistanit njoftoi se në bord ndodheshin 69 persona, përfshirë 64 pasagjerë dhe 5 anëtarë të ekuipazhit.
Nga aksidenti mbijetuan 29 persona, ndërsa shumë prej tyre janë shtruar në spital.
Mes të plagosurve ndodhen edhe dy fëmijë, ndërsa disa prej të hospitalizuarve janë në gjendje kritike, tha zëvendësministri i Shëndetësisë i Kazakistanit.