Një ngjarje tronditëse u regjistrua sot në minutat e parë të ndeshjes mes Fiorentinës dhe Interit në Serie A, teksa vetëm pak minuta pas fillimit të saj, sfida është ndërprerë për shkak të situatës shëndetësore të Edoardo Bove, i cili pësoi kolaps në fushë.
Gjyqtari kishte anuluar një gol të “Zikaltërve në ato momente dhe po argumentonte pranë pankinës së Inter arsyen pse.
Në këtë moment, mesfushori i Fiorentina, Edoardo Bove po rregullonte këpucët, u çua në këmbë dhe pastaj ra pa ndjenja në tokë.
Ai u rrethua menjëherë nga shokët e skuadrës të cilët e panë pa ndjenja dhe shumë prej tyre shpërthyen në lot. Lojtari i transportua menjëherë me ambulancë drejt spitalit, ndërsa ndeshja u ndërpre me futbollistët e të dy skuadrave që u kthyen në dhomat e zhveshjeve.
MOMENTI KUR BOVE PËSON KOLAPS NË FUSHË: VIDEO
https://x.com/afcfredinho_/status/1863293735234105683?s=46