Asnjë nga të punësuarit në sektorin publik dhe privat nuk duhet të marrë pagë 450 euro, sepse kjo është ndihmë sociale që shteti ua jep të punësuarve, thotë Kryetari i AOGjSh-së, Tërpe Deanovski, i cili tregoi se në vendet e rajonit po rritet paga minimale, si për shembull Bosnjë dhe Hercegovinë, e ka rritur minimalen në 600 euro. Përveç kësaj, ai theksoi se Maqedonia është e fundit në rajon për nga lartësia e të ardhurave.
“Absolutisht nuk do të shmangemi sepse argumentet po i shohim dhe jetojmë çdo ditë. Atë qe e shohim në dyqane e dimë si janë çmimet dhe tregtarët në çdo masë të qeverisë i rrisin çmimet në dyqanet e vogla lokale dhe qytetarët nuk mund t’ia dalin në fund. Kërkesa për 450 euro mbetet në tavolinë, është kërkesa jonë, nuk është theksuar tani, është theksuar para disa vitesh. E shohim që në të gjitha shtetet e rajonit po rritet paga minimale. Bosnja e ka rritur në 600 euro, nëse mundet Bosnja dhe Hercegovina ta rrisë në 600 euro, pse ne nuk mundemi ta ndjekim shembullin e tyre”, u shpreh Trpe Deanoski – kryetar i AOGJSH-së.