Drejtori i RTK-së, Rilind Gërvalla e ka implikuar Agjencinë e Kosovës për Inteligjencë (AKI) në skandalin e “Slobodna Bosna”.
Audi-Incizimi ku RIlind Gervalla implikon AKI-n
Sipas një audio-incizimi, të publikuar dje, drejtori i RTK-së, i lidhur me pushtetin e Lëvizjes Vetëvendosje, e ka pranuar se lajmi i rrejshëm mediumit boshnjak “Slobodna Bosna” kundër dy mediumeve në Kosovë, i ka ardhur direkt si informacion nga AKI-ja.
Për këtë rast po kërkohet hetim i plotë dhe i gjerë nga Prokuroria e vendit.
Kryetarja e Komisionit për Mbikëqyrjen e AKI’së, Ganimete Musliu, i ka bërë thirrje Prokurorisë së Shtetit që urgjentisht të fillojë hetimet ndaj Drejtorit të RTK’së, Rilind Gërvallës, pas audio-inicizimit të publikuar, shkruan Reporteri.net.
Musliu ka thënë se “as RTK-ja dhe as AKI-ja nuk guxojnë të përdoren për sulmuar oponentët politikë”.
Sipas saj, audio-incizimi i publikuar dëshmon se AKI është përdorur për të fabrikuar lajme të rrejshme dhe për të sulmuar mediat që konsiderohen si kundërshtare nga pushteti.
“Neglizhenca e organeve përgjegjëse, shkakton me të drejtë indinjatë të thellë sepse siç po shihet audioniçizimi i publikuar sot dëshmon qartë se si AKI-ja, një institucion shtetëror i ndjeshëm, është përdorur për të fabrikuar lajme të rrejshme dhe për të sulmuar mediat që konsiderohen si kundërshtare nga pushteti. Kjo nuk është më vetëm një shkelje e rëndë e etikës profesionale, por një sulm i drejtpërdrejtë ndaj demokracisë dhe lirisë së mediave”, ka shkruar Musliu.
Gjatë ditës së djeshme Paparaci ka publikuar sot një audio-incizim, ku Rilind Gërvalla, i lidhur me pushtetin e Lëvizjes Vetëvendosje, e ka pranuar se lajmi i rrejshëm mediumit boshnjak “Slobodna Bosna” kundër dy mediumeve në Kosovë, i ka ardhur direkt si informacion nga AKI-ja.
Sipas Rilind Gërvallës, AKI-ja e drejton një sektor që operon në fushën e sigurisë kombëtare dhe lajmeve të rrejshme.
Ky seksion i AKI-së, thekson Gërvalla, “ka bashkëpunuar rregullisht me RTK-në” e kapur nga pushteti i Kurtit. Sipas Rilind Gërvallës, AKI-ja e drejton një sektor që operon në fushën e sigurisë kombëtare dhe lajmeve të rrejshme.
Ky seksion i AKI-së, thekson Gervalla, “ka bashkëpunuar rregullisht me RTK-në” e kapur nga pushteti i Kurtit.
Të gjitha këto i ka pranuar Rilind Gërvalla, njeriu i lidhur me Lëvizjen Vetëvendosje që udhëheq me Radio Televizionin e Kosovës, në një raportim të tij në mbledhjen e jashtëzakonshme të Bordit të RTK-së në 23 korrik.
Në audioincizimin e plotë të mbledhjes, mediumi raporton se Gërvalla ka pohuar se lajmi është përkthyer dhe botuar nga RTK-ja pas konsultimit me një zyrtar të AKI-së.