Ditë më parë disa bujq në Tetovë protestuan për shkak kanalit që ishte bllokuar, me çka kishin mbetur pa ujë për ujitjen e tokave të tyre në Pollog. Kryetari i Tetovës Bilall Kasami ka marrë masa dhe se kjo gjë do të rregullohet
“Duke pasur parasysh se komuna veç më është duke realizuar aty projekt për ndërtimin e shtratit të lumit, sigurisht që ne nuk kemi mundësi dhe kohë që të presim institucionet shtetërore. E në këtë rast as Ndërmarrjen për Ekonomizim me Ujërat e as Ministrinë e Bujqësisë që të futet në plan për vitin e ardhshëm, sepse tashmë kemi plan për rregullimin e lumit. Pas reagimit të bujqve, morëm masa dhe dolëm në terren. Folëm me kompaninë që realizon ndërtimet aty dhe vendosëm të ndërtojmë edhe atë segment të kanalit për vaditje të tokave bashkë me rregullimin e shtratit të lumit”, tha Bilall Kasami – kryetar i Komunës së Tetovës.