Shkupi për të dytën ditë me rradhë renditet i shtati në grupin e dhjetë qyteteve më të ndotura në botë

Shkupi për të dytën ditë me rradhë renditet i shtati, pra hyn në grupin e dhjetë qyteteve më të ndotura në botë. Këtë e tregon lista e renditjes së kompanisë për matjen e cilësisë së ajrit IQAir. Sipas këtyre të dhënave, Shkupi ka një indeks të ndotjes prej 139, menjëherë pas Lahores në Pakistan, Nju Delhit në Indi, Bagdadit në Irak, Teheranit në Iran dhe Tashkentit në Uzbekistan. Ndër qytetet evropiane në listën e dhjetë qyteteve më të ndotura janë Budapesti, Milano dhe Vjena, ndërsa dy qytetet e tjera janë Mumbai dhe Hanoi.