Ndihmës Sekretari amerikan të Shtetit për Evropën dhe Euroazinë, James O’Brien gjatë ditës së hënë, në Kosovë tha se pret që Qeveria që ta dërgojë projekt statutin e Asociacionit të komunave me shumicë serbe për shqyrtim në Gjykatën Kushtetuese.
“Dërgimi i Asociacionit në Kushtetuese është zotim bazë. Nuk e presim vetëm nga kryeminstri Kurti, por kanë qenë edhe disa kryeministra të mëhershëm që e kanë bërë, prandaj e presim këtë edhe nga Kosova”, tha O’Brien.
O’Brien theksoi se Asociacioni është mënyrë që komunat e ngjashme të shkëmbejnë përvoja dhe të flasin se si do t’i trajtojnë problemet.
“Asociacionet janë shumë të zakonshme në Evropë, sa e dijmë ne, janë mbi 400 asociacione të tilla nëpër tërë Evropën. Asociacioni nuk krijon një qeverisje apo një shtresë tjetër, por është një mekanizëm për bashkërenditje, siç e shohim ne në Italinë Veriore apo në ishujt e Suedisë apo në Belgjikë”, tha O’Brien.
“Herë pas here kemi mospajtime por kjo ndodh mes miqve. Mospajtimet kanë të bëjnë meqë duam të ketë më shumë kooordinim kur ndërmerren veprime, vecanarisht ato veprime që mund të përfshijnë trupat e NATO’s në KFOR apo në veri dhe gjithashtu dëshirojmë që të shohim më shumë diskutime për t’u biseduar më shumë para se të ndërmerret ndonjë veprim. Prandaj dëshiroj të shoh diçka të tillë më shumë s”, ka deklaruar O’Brien në Kanal 10.
O’Brien, i cili të hënën u takua për më shumë se dy orë e gjysmë me kryeministrin e Kosovës, Albin Kurti, tha se Shtetet e Bashkuara herë pas here kanë mospajtime me qeverinë e Kosovës që lidhen me mungesën e bashkërendimit, por sipas tij, kjo ndodh mes miqve.
Ai ka ndarë edhe detaje nga diskutimi mbi 2 orë e gjysmë që pati me Kryeministrin Albin Kurti.
“Porosia e sotme ishte pak a shumë brenda atyre dy çështjeve që diskutuam. Që të përgatiten për rritjen ekonomike dhe të ardhmen dhe që të sigurohen të gjithë qytetarët e Kosovës se si mund të jetojnë këtu duke ju respektuar identiteti dhe që komunitetet të funksionojnë”.
Lidhur me qasjen në dialog, O’Brien ka thënë se gjithçka po zgjat më shumë se që duan.
“Gjithcka po zgjat më shumë se që duam. Është një mundësi historike për këtë rajon. Ky intensitet i përtërirë i interesimit të BE’së për të integruar vendet e rajonit dhe kjo është përmes Planit të Rritjes dhe procesit për anëtarësim në BE dhe në këto procese ka mundësi për të dy vendet që të kenë mundësi të paimagjinueshme”, ka thënë O’Brien.