Kryetari i Aleancës për Shqiptarët, Ziadin Sela numëroi disa nga dështimet e VLEN dhe Arben Taravarit, ndërkohë përmendi edhe rastin e fëmijës 14-mujashe që humbi jetën në spitalin për fëmijë, rast për të cilin tërhoqi paralele me incizimet e mjekut në Spitalin e Tetovës, që siç tha Sela, u suspendua e u dënua. Sela tutje u shpreh se, mendon se do të ketë zgjedhje të parakohshme.
“Serviliteti i Arben Taravarit ndaj gjithkujt që flet në gjuhën maqedone dhe qyqaria në atë paraqitje bëhet fjalë për foshnje që ka humbur jetën e pastaj mundohet ta heq përgjegjësin nga vetja. Le të shohin ëndrra me mbret, do të vazhdojnë të qeverisin se s’do të ketë zgjedhje të parakohshme, por zgjedhje të parakohshme unë mendoj se so të ketë”, tha Sela.