Një sulm ajror izraelit shënjestroi një ish-shkollë në Gaza, ku strehoheshin personat e zhvendosur nga lufta.
Sipas palës izraelite, sulmi kishte për qëllim të eliminonte militantët që vepronin në këtë kompleks.
“Para sulmit, u morën disa masa për të kufizuar rrezikun e viktimave civile, duke përfshirë përdorimin e municioneve specifike, mbikëqyrjen ajrore dhe inteligjencën shtesë”, sipas ushtrisë.
Kryqi i Kuq Palestinez njoftoi se kishte regjistruar 28 viktima dhe 54 të plagosur pas goditjes në shkollën Deir Al-Ballah në pjesën qendrore të Rripit të Gazës.
Të paktën 42,065 palestinezë të vdekur
Ndërkohë, të paktën 42,065 palestinezë janë vrarë dhe 97,886 janë plagosur në sulmet izraelite në Rripin e Gazës që nga 7 tetori 2023, sipas një deklarate nga Ministria e Shëndetësisë e Autoritetit Palestinez sot.
Sipas të njëjtës deklaratë, në 24 orët e fundit, të paktën 55 palestinezë kanë humbur jetën.