Muhamed Begoviq nga Jabllanica ka humbur djalin e tij nga vërshimet që kanë goditur qytetin herët në mëngjes.
Ai tha për portalin “Awaz” se tragjedia ka ndodhur brenda 15 minutave.
“Në shtëpi ishin djali, nusja, gruaja, nipi dhe mbesa. Filluam të dilnim nga shtëpia. Djali po ecte pas meje, u kthye pak dhe erdhi një dallgë e madhe. Ka qenë ndoshta tre metra, djali sapo u zhduk. Ku të shkoj tani? Përveç djalit, pjesa tjetër arriti të mbijetonte. Punonjësit socialë na ndihmuan, të gjithë jemi të kujdesur, kemi ku të flemë”, tha Begoviq.
Trupat e 19 viktimave janë gjetur. Përmbytjet prekën pjesë të Bosnje dhe Herzegovinës (BeH).