Pas sulmeve intenzive të Iranit drejt Tel Avivit, ka reaguar edhe kryministri i Kosovës, ALbin Kurti që siç tha, janë të shqetësuar për sulmin e sotëm. Ai tha se rritja e vazhdueshme e dhunës është alarmante dhe se e mbështesin të drejtën e Izraelit për të mbrojtur veten.
“Ne jemi thellësisht të shqetësuar për sulmin e sotëm me raketa nga Irani ndaj Izraelit, në të cilin u lëshuan rreth 200 raketa, dhe bashkohemi me qeveritë e tjera në dënimin e këtij agresioni. Një vit pas sulmeve terroriste të Hamasit të 7 tetorit, rritja e vazhdueshme e dhunës është alarmante. Ne mbështesim të drejtën e Izraelit për të mbrojtur veten dhe të gjitha përpjekjet për të arritur një armëpushim të menjëhershëm”, ka shkruar Kurti.