Nënkryetari i BDI-së, Arbër Ademi në Daily Click në TV21 duke komentuar zhvillimet e fundit në lidhje me Balancuesin, Ligjin për Gjuhët dhe ligjin për branitellat, tha se në Maqedoni ka qarqe të caktuara që nuk dëshirojnë që vendi të jetë stabil dhe në harmoni ndëretnike.
“Unë ende mendoj, se këtu ka qarqe të cilët nuk dëshirojnë ta shohin Maqedoninë stabile me raporte të mira ndëretnike, stabile ndëretnike, me një harmoni ndëretnike, të cilët presin një moment të përshtatshëm, cili është ai moment i përshtatshëm, kur kur nuk ka përfaqësues shqiptarë të zotë, e me peshë politike, thënë ndryshe me takat politik, që do të bëjnë ballë çfarëdolloj keqpërdorimi të këtillë e sjelljes së vendimeve me motivacion politik. Tash kanë vlerësuar këto qarqe, që tash është momenti, tash është momenti sepse ka shqiptarë kukulla në ekzekutiv, Gazetari: Po thoni për koalicionin VLEN? Po, sigurisht”, tha Ademi.
I pyetur se për cilat qarqe bëhet fjalë, Ademi tha se janë qarqe nacionaliste maqedoanse të motivuara nga Beogradi, Budapesti dhe Moska.
“Qarqe të caktuara nacionaliste maqedonase, kanë pritur ditë të mira për ta, të motivuar nga Beogradi, nga Budapesti, nga Moska, me një ndikim të fuqishëm moskovit këtu, këtë nuk mund ta mohojmë, kanë pritur ditë të mira. Ata nuk e dëshirojnë që Maqedonia të ketë stabilitet, ata nuk dëshirojnë që Maqedonia të manifestojë një demokraci funksionale dhe multietnike, dhe kanë pritur moment të përshtatshëm, dhe në qeveri ke një parti politike që kur t’i teket u thotë rruga mbarë, derën e keni hapur, dilni nga qeveria. Edhe këta dalin me deklarata, jo nuk e pata për këtë qëllim, jo për atë qëllim. vet debatojnë, vet konfrontohen, dhe në fund thonë shkëndit të këtilla të një plasaritje, po na imponohen nga BDI dhe LSDM”, theksoi Ademi.