Zëvendëskryeministri i parë Izet Mexhiti nëpërmjet rrjetit social Facebook, bëri të ditur se sot në seancën e Qeverisë është marrë vendim që të ndahen mjete prej 35,5 milionë euro për Universitetin “Nënë Tereza”.
Tutje, Mexhiti shton se me këtë kampus po ndërtohet një vatër e dijes për brezat e ardhshëm.
“34.5 milionë euro për Universitetin “Nënë Tereza”
Sot, në mbledhjen e Qeverisë, u miratua një vendim historik, investim madhor prej 34.5 milionë eurosh. Po ndërtojmë kampusin e Universitetit “Nënë Tereza”!
Ky projekt nuk është thjesht një ndërtim, por një simbol i vizionit tonë për një të ardhme më të ndritur për të rinjtë dhe për vendin tonë. Për dekada, brezat kanë ëndërruar një qendër të tillë edukative që do të pasurojë jo vetëm dijen, por edhe shpirtin e një kombi të tërë. Sot, ajo ëndërr po bëhet realitet!
Me këtë kampus, po ndërtojmë një vatër të dijes për brezat e ardhshëm, duke u dhënë të rinjve mundësinë të formësojnë të ardhmen e vendit dhe të shoqërisë.
#KalojmëNëVeprim”, ka shkruar Mexhiti