Nga të shtënat e mbrëmshe në Haraçinë ka mbetur i plagosur një person 24 vjeçar.
“Mbrëmë (28.08.2024) rreth orës 21:00 në SPB Shkup është raportuar se në fshatin Haraçinë është qëlluar drejt A.I. (24) nga fshati Haraçinë, i cili ka marrë plagë dhe është dërguar në kompleksin e klinikave ‘Nënë Tereza’ për ndihmë mjekësore”, thonë nga MPB.
Informata që i ka marrë redaksia jonë thonë se kjo përleshje e armatosur ka të bëjë edhe me ngjarjet e 1 prillit 2024, ku mbeti i plagosur shoferi i kryetarit të komunës së Haraçinës dhe një person tjetër u lënduar. Personat e ngjarjes së mbrëmshe janë të afërm të të dyja familjeve.