Kryetari i komunës së Çairit, Visar Ganiu ka përgënjeshtruar lajmet e fundit lidhur me djegien e veturës së tij.
Sipas tij, lajmet janë thjeshtë të pavërteta gjë që e dëshmon përmes fotografive të postuara, ndërkohë që kërkon nga media të caktuara lajmi të përgënjeshtrohet pasiqë në të kundërtën do të inciojë procedurë ligjore.
Të nderuar qytetarë, demantoj plotësisht lajmin për djegijen e veturës time, lajm ky që u prodhua sonte nga media të caktuara dhe dashakeqe në gjuhën shqipe, pasi që dy ditë më parë po një lajm i tillë u publikua nga mediumi maqedonas Infomaks.
Ky lajm është tërësisht i rrejshëm dhe i prodhuar nga “kuzhina” që siç duket ka një dhe vetëm një qëllim krijimin e panikut dhe pasigurisë të qytetarëve.
Vërtetoj edhe miqtë, familjarët dhe të gjithë banorët e Çairit se vetura ime nuk është djegur dhe se është e parkuar në parkingun para banesës sime gjë që dëshmojë me fotografitë që po i publikoj këtu.
E ju media të caktuara që keni një “dirigjent” që tanimë opinioni i gjerë e din shumë mirë se kush është ai dhe që shqetësoni popullatën në pikë të natës, ju bëj thirrje që urgjentisht ta përgënjeshtroni këtë lajm, në të kundërtën do të jem i detyruar t’ju drejtohem organeve gjegjëse me padi për shpifje dhe shkaktim të panikut.
