Pas deklaratës së bujshme për librat e gjuhëve nga ministrja e Arsimit e që më pas kërkoi falje, është deklaruar edhe zëvendësi i saj Lulzim Aliu. Ai thotë se një dezinformim i qëllimshëm për të krijuar huti. Nga ana e Ministrisë së Arsimit dhe Shkecës, thotë Aliu, tashmë janë përgatitur dhe janë distribuar tekstet shkollore për lëndën e Gjuhës shqipe për arsimin fillor sipas konceptit të ri për arsimin fillor, nga klasa e parë deri në klasën e gjashtë.
LULZIM ALIU, ZV/MINISTËR I ARSIMIT
“Janë në proces tekstet për klasën e shtatë, meqë këtë vit duhej të vazhdohej me konceptin e ri, ndërkaq klasa e tetë dhe e nëntë vazhdojnë sipas programit të vjetër dhe librat janë, sipas programeve ekzistuese. Kjo ka të bëjë me tekstet shkollore për lëndën e Gjuhës shqipe”.
Nga ana e Ministrisë së Arsimit dhe Shkencës zotohet ai, po bëhen përpjekjet maksimale që deri në fillim të vitit shkollor të sigurohen pjesa më e madhe e teksteve shkollore që janë miratuar nga Komisioni nacional i librave, por pranon se akoma nuk janë të gjithë librat edhe pse viti i ri shkollor nisë për rreth 20 ditë.
Ministrja e Arsimit Vesna Janevska, para dy dite tha se për mësimin e gjuhëve të huaja nuk ka nevojë për libra dhe nxënësit mësojnë gjuhët e huaja nga serialet televizive, pasi gramatika nuk u nevojitet. Por, menjëherë në opinion kishte lum reagimesh, e që bëri që ministrja një ditë më vonë të kërkoj falje. Ajo tha se nuk është shprehur mirë pasi nuk e ka pasur fjalën për gjuhët e huaja por për lëndën Kultura dhe gjuha e bashkësive.