Gjatë javës së kaluar Presidentja e vendit, Vjosa Osmani është përballur me një situatë të pazakontë në Aeroportin e Shkupit. Gjersa Osmani po bëhej gati për një udhëtim jashtë vendi nga aeroporti i Shkupit, sigurimi i aeroportit në fjalë ka tentuar të hap valixhen dhe t’ia marrë telefonin Osmanit. Lidhur me këtë rast janë deklaruar nga partia më e madhe në pushtet në Maqedoninë e Veriut, VMRO DPMNE. Ata thonë se tani askush më nuk është mbi ligjin.
‘’Ndaj sigurimit të Gashit është ngritur kallzim penal, ndërsa në dy raste gjatë kohës kur kanë qenë në pushtet LSDM BDI, presidentja e Kosovës i ka shkelur protokolet dhe procedurat ndërsa MPB në atë kohë ka heshtur’’ thuhet në reagimin e VMRO DPMNE së. Rasti i parë sipas tyre ka ndodhur më datë 16.09.2023 dhe i dyti i ngjajshëm me datë 9 tetor po të njejtin vit. Lidhur me këtë rast kanë reaguar edhe kryeministri i Kosovës, Albin Kurti dhe ai i Maqedonisë së Veriut, Hristijan Mickoski.
“Pa dyshim që ka qenë përjetim dhe përvojë e rëndë e Presidentes së Republikës së Kosovës, shkëlqesisë së saj, zonjës Vjosa Osmani- Sadriu, më 2 gusht në Aeroportin e Shkupit, aq më tepër që ka qenë me familje dhe me dy vajzat e vogla. Autoritetet e Maqedonisë së Veriut, krerët shtetërorë këtu kanë shprehur keqardhjen e tyre dhe do të ketë një raport zyrtar që do ta zbardhë këtë çështje në hollësi dhe tërësi, edhe që të kuptojmë se çfarë saktësisht ka ndodhur, por edhe që të mos na përsëriten më”, tha Kurti./Indeksonline/