Ministri i Brendshëm i Kosovës, Xhelal Sveçla sot po qëndron për vizitë zyrtare në Maqedoninë e Veriut.
Delegaciomi i MPB nga Kosova në vendkalimin kufitar Bllacë është pritur nga zëvendësministri i MPB-së, Astrit Iseni si dhe deputeti Bekim Qoku.
“Në kuadër të vizitës së delegacionit të ministrisë së Punëve të Brendshme të Republikës së Kosovës të kryesuar nga ministri z.Xhelal Sveçla si dhe Drejtorin e Policisë z. Gazmend Hoxha në ministrinë e Punëve të Brendshme të Republikës së Maqedonisë së Veriut ku do të zhvillojë takim pune me udhëheqësinë e MPB-së, kisha nderin t’i dëshiroj mirëseardhje në vendin tonë në vendkalimin kufitar Bllacë. Pas pritjes sëbashku u drejtuam në ambientet e MPB-së ku do të organizohet pritje zyrtare, ndërsa pastaj është paraparë takim pune e të dy delegacioneve. Ky bashkëpunim do të forcojë sigurinë dhe marrëdhëniet e dy vendeve me synim mbrojtjen e shtetit ligjor dhe sigurimin e një mjedisi të sigurt për qytetarët”, theksoi Iseni.