Një zjarr i madh ka shpërthyer në fshatin e Nemanjicit të Sveti Nikoles, duke shkaktuar dëme serioze. Kryetari i Komunës së Sveti Nikollës, Dejan Vlladev, ka njoftuar për situatën e rëndë që po ndodh në këtë zonë. Disa shtëpi janë djegur në këtë fshat, ndërsa ekipet e zjarrfikësve, nga Sveti Nikola dhe komunat fqinje po bëjnë përpjekje të mëdha për të shpëtuar shtëpitë e tjera nga flakët. Përveç tyre, vullnetarët dhe banorët e zonës po ndihmojnë në luftën kundër zjarrit.
Operacionet për shuarjen e zjarrit po zhvillohen edhe nga ajri, ku fluturime me helikopterë janë përdorur për të ndihmuar në këtë situatë emergjente. Fshati Nemanjici, ku ndodhet kjo ngjarje, ka rreth 50 banorë, por në të ka edhe shtëpi pushimi. Autoritetet janë në kujdes të lartë për të minimizuar dëmet dhe për të siguruar sigurinë e banorëve.