Arben Taravari, pjesë e Qeverisë ka reaguar pas lajmit ku kumtohen dy modelet që shqyrtohen nga eskpertët ndërkombëtarë dhe autorët e Marrëveshjes së Ohrit, të angazhuar nga BDI-ja,
“Është interesante se si BDI-ja pas 22 vjetësh, për herë të parë kujtohet sot se si do të ishte një zgjidhje territoriale adekuate për Maqedoninë.
Nuk është 1 as 2 por 22 vjet vonesë…
BDI-ja po dështon edhe në Opozitë…”, shkroi Taravari në Facebook.
Mediat njoftuan gjatë ditës se ekspertët ndërkombëtarë dhe autorët e Marrëveshjes së Ohrit, të angazhuar nga BDI-ja, janë duke shqyrtuar dy modele të shprehjes së pakënaqësisë së shkeljes së vullnetit të popullit. Modelet janë ai i Belgjikës dhe i Irlandës së Veriut, që të dy parashohin ndarje të shtetit në bazë të rajoneve./TV21