Ka vdekur doktoresha Ruth Westheimer, terapistja e seksit që u bë një ikonë e popit, ylli i medias dhe autorja më e shitur përmes fjalimeve të saj për temat e seksit, që dikur ishin tabu. Ajo ishte 96 vjeç, shkruan AP news. Westheimer vdiq të premten në shtëpinë e saj në New York, e rrethuar nga familja e saj. Westheimer kurrë nuk mbrojti sjelljet e rrezikshme seksuale.
Në vend të kësaj, ajo inkurajoi dialog të hapur për çështjet e mbyllura më parë që prekën audiencën e saj prej milionash. Një temë e saj e përsëritur ishte se nuk kishte asgjë për t’u turpëruar lidhur me seksin.
“Seksi është një art privat dhe një çështje private. Por gjithsesi, është një temë për të cilën duhet të flasim” thoshte ajo.