Përfaqësuesi i Vetëvendosjes në Maqedoni, Bekim Qoku siç duket ka harruar se tani është pjesë e Qeverisë ndërkohë që nuk ka ndalur akuzat ndaj kësaj të fundit. Qoku tha se nuk mund të ketë luftë të pamëshirshme dhe pa kompromis kundër korrupsionit nëse figura emblematike të krimit dhe korrupsionit, nuk janë në burg për demët që kanë bërë, ku përmendi emrin e Ramiz Merkos.
“Nuk mund të ketë luftë të pamëshirshme dhe pa kompromis kundër korrupsionit nëse figura emblematike të krimit dhe korrupsionit si Ramiz Merko, në vend se të jenë në burg për gjithë ato dëme shkatërruese që i kanë sjellë Strugës, struganëve dhe më gjerë, vazhdojnë të drejtojnë institucione të rëndësishme publike si komuna e Strugës, janë përgjegjës për degradimin e arsimit fillor e të mesëm të komunës dhe janë pronar universitetesh private.
Me Ramiz Merkon ende në liri dhe në krye të komunës nuk ka dhe nuk mund të ketë ndryshim në këtë vend”, shkroi Qoku.