“Çaj të nxehtë, për ta përballuar të nxehtin”, Qeveria me rekomandime për kategoritë e cënueshme

Vazhdojnë temperaturat përvëluese që në disa vende tejkalojnë edhe 40 gradët celsius. Mjekja Lilija Çollakova-Dervishova tregon se për shkak të të nxehtit, këto ditë vetëm në ordinancën e saj janë dërguar tre persona me infarkt.

“Ja vetëm në ordinancën time kemi tre infarkte, në mëngjes patëm pacient me infarkt i cili ka punuar fort, ka rregulluar drurët dhe është ngarkuar, një person i moshës 80 vjeçare, të cilin u desh urgjentisht ta dërgojmë në Klinikën interne, sepse gjendja shëndetësore ishte shumë e dyshimtë. Për këtë arsye apeloj në këtë të nxehtë punë të rënda assesi, tejngopje – sasi të mëdha ushqimi, jo. Ushqim vetëm në orët e hershme të mëngjesit dhe vonë në mbrëmje. Gjatë ditës mundet fruta të lehtë dhe shumë ujë dhe pije dhe çaje freskuese”, tha Lilija Çollakova Dervishova – kryetare e Shoqatës së Mjekëve Privatë.

Edhe nga Shërbimi Emergjent bëjnë të ditur se përgjatë ditës marrin raportime për rreth dhjetëra alivanosje. Mjekët këshillojnë se si duhet vepruar e të mbrohemi gjatë sulmeve të të nxehtit.

“Meqë jemi në fazë portokalli si profesionistë rekomandojmë konsumimin e shumë lëngjeve, përafërsisht që përkojnë me temperaturën e trupit mos të pihen pije shumë të ftohta nga frigoriferi kur jeni të nxehtë, kur ktheheni nga jashtë nga 40 gradë celsius, mos të pihen pije nga frigoriferi në 2-3 gradë, ose shalqi i ftohtë. Rihidratimi është më i rëndësishme në këto momente, konsumoni lëngje, madje ju rekomandoj të pini çaj kur është nxehtë si turqit, sepse duhet organizmi të përshtatet me të nxehtin”, potencoi Lilija Çollakova Dervishova. Nga Ministria për politikë sociale kanë dalë me rekomandime për kategorinë e cenueshme të qytetarëve.

“Në periudhën nga dita e mërkurë – 10.07.2024, deri të premten – 12.07.2024, rekomandohet që grupet më të rrezikuara të popullsisë, si: të sëmurët kronikë, gratë shtatzëna dhe personat mbi 60 vjeç të punojnë me orar të shkurtuar, duke filluar nga ora 07:30 deri në orën 12:00, kurse në institucionet e kujdesit për fëmijët (kopshte) nuk duhet të praktikohet asnjë aktivitet fizik dhe fëmijët nuk duhet të nxirren jashtë nga ora 11:00 deri në orën 17:00”, thonë nga Ministria për Politikë Sociale.

Nga Drejtoria për Punë Hidrometeorologjike paralajmërojnë se deri në mes të javës së ardhshme në disa vende do të aktivizohet niveli portokalli për rrezik nga temperatura të larta. Përjashtim do të ketë të dielën, kur, sipas sinoptikëve, në orët e pasdites do të ketë paraqitje të izoluar të paqëndrueshmërisë me shi të rrëmbyeshëm dhe bubullima.

REKLAMË

REKLAMË

lajmet e fundit

Mali i Zi drejt revolucionit të punës – Orari 7 orë në ditë, jo më 8!

Kryeministri i Malit të Zi, Milojko Spajiq ka bërë të ditur se Mali i Zi është afër një vendimi për futjen e orarit ...

Nga 31 tetori linjë e re ajrore Shkup-Qipro

Ministri i Transportit dhe Lidhjeve, Aleksandar Nikolloski njoftoi se nga 31 tetori do të fillojë edhe një linjë e re ajrore nga Shkupi në...

Kush është princi i fjetur i Arabisë Saudite: Prej 20 vitesh qëndron në koma, babai nuk pranon t’i shkëpusë aparatet për këtë arsye

Princi saudit Al-Waleed bin Khalid Al-Saud ndodhet në koma që nga viti 2005, pas një aksidenti të rëndë komunikacioni në Londër. Babai i tij,...

SKANDAL në Spitalin e Tetovës/ Naim Ismaili me urdhër të Bilall Kasamit rahaton “baxhanakun” dhe disa familjarë (VIDEO)

Pas publikimeve se kryetari i Këshillit Komunal, Naim Ismaili, ka rahatuar baxhanakun e tij në Spitalin e Tetovës, mbrëmë ka shpërthyer një përplasje e...

Quni: Vetëvendosje e ka futur shtetin në izolim

Deputeti i Lidhjes Demokratike të Kosovës (LDK), Anton Quni, ka folur për moskonstituimin e Kuvendit as për herën e 20-të. Ai ka thënë se...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu