Sistemi gjyqësor joefikas, individë që e përdorin pushtetin për t’u pasuruar, kriza morale në shoqëri si dhe moszbatimi i ligjeve, janë disa prej arsyeve që sektori privat ka dhënë si përgjigje në pyetjen pse ekziston korrupsioni, në anketën e realizuar nga Oda Ekonomike, të financuar nga USAID.
“Arsyet e ekzistencës së korrupsionit janë që sistemi gjyqësor nuk është efikas dhe në pushtet ka individë të cilët e përfaqësojnë pushtetin dhe duan shpejtë të pasurohen, flasim për vitin 2023. 56 janë përgjigjur që në shoqëri ka krizë morale si dhe ligjet nuk zbatohen. Interesante është se ka 42 përgjigje që nuk ka mbrojtje për ata të cilët e paraqesin korrupsionin dhe ajo që është gjithashtu interesante është se ka 20 përgjigje që janë pagat e ulëta në sektorin publik”, tha Zoran Jovanovski, këshilltar kryesor i bordit drejtues të Odës Ekonomike.
Po a beson sektori i biznesit që mund të luftohet kundër korrupsionit?!
“96% të kompanive besojnë por deri në cilën shkallë besojnë?! 59% e kompanive korrupsioni mund të reduktohet ndjeshëm. 26% e kompanive do ta kenë, por mund të jetë i kufizuar. 8% e kompanive – mund të eliminohet plotësisht. D.m.th. 96% besojnë që mund të kemi sukses, vetëm 4% e kompanive thonë se nuk mund të zvogëlohet”, deklaroi Zoran Jovanovski .
Kompanitë, siç u tha, më shumë janë përballur me korrupsion kur kanë pasur punë me sektorin publik, për raste si procesi i marrjes së lejes, miratimit, gjatë procedurës doganore, gjatë procedurës së tenderit, ose në procese të tjera ku përfshihen taksat, gjyqësore, të kadastrave e të tjera.