Ambasadorja amerikane në Shkup, Angela Aggeler, ka dërguar urim për formimin e Qeverisë së re.
Ajo në rrjetin social X, shkruan se pret me padurim të vazhdojë bashkëpunimin për forcimin e sundimit të së drejtës.
“Derisa kryeministri dhe kabineti i tij marrin funksionet, me padurim pres të vazhdojmë bashkëpunimin për forcimin e sundimit të së drejtës, përmirësimin e zhvillimit ekonomik, energjetik dhe infrastrukturor, strukturave sociale dhe lëvizjen e vendit në rrugën euro-atlantike”, ka shkruar Aggeler.
Ndryshe, Qeveria e re e RMV-së u votua mbrëmë me 77 vota “për”.