Në disa pamje të dala nga Samiti i Ballkanit Perëndimor në Kotorr të Malit të Zi, u përhapën pretendime se kryeministri Albin Kurti na qenka fyer ca nga homologu i tij nga Tirana. Në lidhje me këtë, kryeministri shqiptar flet në një intervistë. Njëra prej pyetjeve që iu bë Ramës në këtë intervistë, nga gazetari i Nacionales, Berat Buzhala, kishte të bënte pikërisht me këto pamje.
“Tash kjo është koha ku jetojmë dhe një fotografi e cila shkëputet nga konteksti dhe qarkullon nga katër anët merr pastaj kuptime dispropocionale që nuk janë të lidhura me realitetin. Faktikisht, unë isha taku më përpara me kryeministrin, nuk ishte ai takimi i parë, dhe aty ishte një situatë qe njerëzit lëviznin, vinin, hynin, nuk kishte atë kuptim që mori.” – tha kryeministri shqiptar.
“Deri këtu ishim tek humori, pastaj kalojmë tek tragjedia e kohës. Sepse realisht, merret një gjysmë e vërtetë, që është edhe gënjeshtra më e madhe. Nxirret si e vërtetë, thithet nga opinion pas përsëritjeve, pastaj gazetarët paraqiten para teje dhe thonë ç’ke për të thënë ti për këtë. Ti duhet të përpiqesh të thuash, prit ore, se s’ka të bëjë me mua, këtë e keni krijuar ju, e keni stazhonu në opinion dhe duhet të japim llogari për diçka që nuk ka të bëjë fare me mua.” – u shpreh tutje ai në këtë intervistë.
Kryeministri shqiptar Edi Rama tashmë është i njohur për batuta e retorikë thumbuese në forume të nivelet më të larta. Në këtë samit talli egër presidentin serb Aleksandar Vucic, për fjalimet e tija të gjata, duke ia matur me kronometër madje. Vucic i njohur për arrogancën e temperamentin megjithatë s’pati zgjidhje pos ta pranonte shakanë./Nacionale