Ministri i Punëve të Jashtme, Bujar Osmani ka pritur në takim katër ambasadorë. Siç qëndron në njoftimin e Osmanit, në këto takime shefi i diplomacisë nga radhët e BDI-së, ka shprehur shqetësimin për siç thueht, “kompromitimin e procesit zgjedhor”. Vendimet e KSHZ-së për rivotim në disa vendvotime, Osmani i cilëson si “arbitrare që kanë për qëllim të vjedhin vullnetin zgjedhor”.
“Takova sot Ambasadorët e SHBA, Gjermanisë, Mbretërisë së Bashkuar dhe Holandës. Shpreha shqetësimin për kompromitimin e procesit zgjedhor nga vendimet arbitrare të KSHZ-së më qëllim vjedhje të vullnetit zgjedhor duke bërë inzhiniering politik me vendimet për rivotim. Gjithashtu shpreha domosdoshmërinë e respektimit të marrëveshjes së Ohrit, Prespës dhe të ardhmes evropiane të vendit”, tha Osmani./TV21
