Kryetari i VMRO-DPMNE-së, Hristijan Mickoski sot ka vizituar shtabin qendror të VLEN-it në sheshin “Skënderbeu” në Shkup. Mickoski është takuar me njërin prej liderëve të VLEN-it, Arben Taravarin. Mediat pyetën VLEN-in se për çfarë është biseduar në takim, dhe pse nuk kanë qenë prezent liderët e tjerë, nga atje na thanë:
“Është caktuar agjenda për bashkëqeverisje, kryesisht synimi për luftimin e krimit dhe korrupsionit. Të gjithë liderët janë në koordinim të plotë për takimin, por kishin aktivitete në teren meqenëse janë bartës liste nëpër zona”, thonë nga VLEN./TV21.