Avokati serb nga Beogradi, Sead Spahoviq, në një intervistë për The Geopost, ka thënë Serbia nuk ka ushtri dhe nuk është e gatshme të futet në Kosovë.
Sipas Spahoviqit, thirrjet qe ushtria serbe të kthehet në Kosovë bëhen për opinonin publik.
“Ata nuk e kanë atë ushtri tani dhe prandaj nuk e bëjnë dot. Por ata mund të gudulisin opinionin publik në Serbi, i cili ka vullnet që ushtria të kthehet në Kosovë, Kosova është tokë e shenjtë serbe, fjala më e shtrenjtë serbe etj. Dhe kjo është e gjitha.” – ka thënë ai.
Ai ka thënë se Serbia ka armë por nuk ka ushtri, teksa nuk mendon se ka mundësi për një konflikt ushtarak.
“Nëse do të mundnin, do të hynin atje, është thjesht çështje ekuilibri fuqie ose nëse doni edhe frike. Sepse, kini kujdes, shqiptarët duan të vdesin për Kosovën e tyre, e serbët jo, dhe ky është dallimi themelor, prandaj nuk ka mundësi për një konflikt ushtarak.” – ka thënë ndër të tjera ai.