Afishet e vendosura në makina që bëhej thirrje që mos të votohej dhe këto thirrje bëheshin në emër të fesë, i ka komentuar edhe aktivistja Rita Behadini në studion e hapur në TV21. Behadini tha se e ka lexuar Kuranin në gjuhën që ajo e kupton, por askund nuk ka parë se feja e ndalin votimin, ndërkohë pyeti se kush u ka thënë dhe cila fe ndalon një proces të tillë.
“Feja ka marrë një kahje të gabuar në aq shumë drejtime në vendin tonë sa që e pyes veten se prej nga vijnë. Ne sot kemi hoxhallarë që thonë mos votoni, kemi hoxhallarë që thonë gruaja është për shtëpi, kemi hoxhallarë që dalin dhe japin ca deklarata skandaloze dhe nuk japin përgjegjësi për atë që e thonë, tha mes tjerash Behadini.