Akil Gjakova është “bërë i gjallë” në rrjetet sociale. Xhudisti kosovar u shpall në kërkim ditën e sotme nga Policia e Kosovës, pasi ai po akuzohet për veprën penale “Dhunë në familje”. 28-vjeçari para pak çastesh u “lajmërua” në rrjetin social “Facebook”, duke shpërndarë një reagim që bëri sonte Federata e Xhudos e Kosovës (FXhK).
Mes tjerash, FXhK në reagimin zyrtar shkroi se ““beson në pafajësinë e Akilit”, teksa ka uruar që organet e drejtësisë të zbardhin rastin sa më shpejt. Gjithashtu nga Federata e Xhudos u konfirmua edhe se Akil Gjakova momentalisht ndodhet jashtë vendit tonë, teksa u tha se “ai do të dorëzohet tek organet e rendit dhe drejtësisë në momentin që do të arrijë në Kosovë”