Ministrja e Drejtësisë, Albulena Haxhiu ka thënë se gratë dhe vajzat në luftërat apo konfliktet mbeten kryesisht në shënjestër të dhunimeve seksuale
“Luftërat apo konfliktet mbeten thellë edhe në ndikimin e tyre gjinor, duke i parë gratë dhe vajzat kryesisht në shënjestër, pra për t’i dhunuar seksualisht. Dhuna seksuale ndaj grave dhe vajzave, është shkelje e rëndë e të drejtave dhe ka pasoja të rënda fizike, seksuale dhe mendore”, tha Haxhiu.
Ajo komente i bëri gjatë Forumit për Gratë, Paqen dhe Sigurinë të organizuar nga presidentja Vjosa Osmani.
“Stigma fatkeqësisht ende mbizotëron, i pengon që gratë të jenë aktive në jetën shoqërore dhe politike. Më lejoni ti çmoj lartë dy gratë Vasfijen dhe Shyhreten që kanë folur publikisht për dhunën seksuale gjatë luftës”, tha Haxhiu.
Ministrja shtoi se “nuk është faji i tyre që ato janë dhunuar seksualisht”. Ajo shtoi se gjatë këtyre dekadave dhunimeve seksuale gjatë luftës iu është kushtuar vëmendje më e madhe.