Ministrja e Drejtësisë, Albulena Haxhiu ka publikuar disa lista, për të cilat thotë se janë pasuritë e Milan Radojiçiqit, të konfiskuara nga Policia e Kosovës. Haxhiu përmes një shkrimi në Facebook, ka thënë se këto janë lista të pasurive të shumta të konfiskuara dhe të sekuestruara.
“Dokumentet më poshtë janë lista të gjata të pasurive të shumta të konfiskuara dhe sekuestruara të një kryekrimineli që vet është bërë milioner ndërkohë që qytetarët e komunitetit serb i ka përdorur përmes frikës, kërcënimit dhe shantazhit.” – ka thënë ajo.
Tutje, Haxhiu shtë shprehur:
“Pra, për vete milioner përmes krimit e qytetarëve terrorin dhe varfërimin. Por, kjo epokë ka marrë fund. Ka ardhë koha që qytetarët të jetojnë të qetë e kriminelët të ndëshkohen”. Ndryshe, në një aksion gjatë ditës së sotme Policia e Kosovës ka konfiskuar një banesë dhe një restorant të Milan Radojiçiq në veri. Rreth kësaj, zëvendësdrejtori i Policisë për rajonin e veriut, Veton Elshani ka dhënë detaje, ku ka thënë se vendimi për marrë nga Gjykata dhe se aksioni është zhvilluar në tri lokacione.