Me moton “President evropian”, kandidati për president i Frontit Evropian, të udhëhequr nga BDI-ja, Bujar Osmani paralajmëroi se gjatë fushatës do të shpalos para qytetarëve planet për, siç theksoi ai, një të ardhme më të ndritur në Bashkimin Evropian. Osmani tha se e ka mbështetjen e bllokut më të madh shumë-etnik në vend, i cili synon ruajtjen e kursit euroatlantik.
“Mendoj se kam përvojën, kam kontaktet, kam besueshmërinë në qendrat vendimmarrëse dhe kam përkushtimin që të plotësoj ëndrrën e çdo familje, të çdo qytetari, për një të ardhme të ndritshme, të sigurt dhe evropiane”, u shpreh Bujar Osmani, kandidat për President. /Alsat.mk