Dy tërmete kanë goditur mëngjesin e ditës së premte Greqinë.
Sipas mediave të huaja, bëhet fjalë për dy tërmete, njëri prej të cilëve ka qenë me fuqi më të madhe, përkatësisht me magnitudë 5.7 ballë.
Sipas vlerësimit të rishikuar të Institutit Gjeodinamik, bëhet fjalë për dy lëkundje me magnitudë 5.7 dhe 4.5 ballë të shkallës Rihter, me qendër përkatësisht 14 dhe 17 km , në lindje të Strofades – në bregun perëndimor të Peloponezit.
Ndërkohë raportohet se epiqendra e saktë ka qenë 25 kilometra në lindje të Strofades.
Tërmetet janë ndjerë edhe në Kretë.
Deri më tani nuk është raportuar për ndonjë të lënduar apo dëme materiale.