Një rast jo i zakontë ka ndodhur në vendin turistik, Prevallë të Prizrenit të Kosovës, transmeton TV21. Siç mësohet nga njoftimi i Policisë së Kosovës, një 61-vjeçar është raportuar nga bashkëshortja e tij, se është zhdukur gjatë ditës së djeshme teksa kanë qenë për pushime në Prevallë. Pas kërkimeve që janë bërë nga ekipet policore dhe të zjarrfikësve, ka rezultuar se mashkulli në fjalë kishte rënë në humnerë, 5 metra poshtë rrugës. Personi është nxjerrë i gjallë, me disa lëndime trupore për të cilat më pas ka marrë trajtimin adekuat.
“Më 27 mars 2024, në Stacioni Policor në Prizren, është raportuar se një person nga Ferizaj i cili bashkë me bashkëshorten e tij ishte në pushime në fshatin turistikë Prevallë, Prizren kishte dalë për shëtitje në natyrë dhe nuk ishte kthyer më. Personi si i zhdukur është raportuar nga bashkëshortja e tij. Ajo raporton se bashkëshorti i saj është larguar nga vendbanimi rreth orës 18:30 dhe nuk dihet se ku është , bashkëshorti i saj është A. M. i lindur më 1963 . Pas raportimit në polici, janë dërguar zyrtarët policor për të hetuar rastin dhe për të kërkuar viktimën, kërkimit i është bashkuar edhe njësia e Zjarrfikësve nga Prizreni si dhe familjarët e të zhdukurit.
Të njëjtën dite, rreth orës 23:09 personi i zhdukur është gjetur, viktima kishte rene në një humnerë rreth 5 metra poshtë rrugës, viktima është nxjerre nga njësitet policore dhe me emergjence është dërguar ne Spitalin Rajonal në Prizren pasi kishte lëndime sipërfaqësore për të cilat është trajtuar”, qëndron në njoftimin e Policisë së Kosovës.